3. SAIOA (2018/03/06)

Saio honetan gelakideen artean testu bat irakurri genuen. Testua irakurri ostean kontzeptu eta ideia nagusi batzuei buruz mintzatu genuen.

Gizartea etengabe aldatzen doa, baina eskolek erabiltzen duten metodologia aspaldian erabiltzen zuten berdina da. Askotan zerbait ikastea memorizatzea dela uste da, gauzak behin eta berriz errepikatuz. Baina ikaskuntza prozesua gero eta urrunago doa; hau da, prozesu hori eman ahal izateko jasotako informazio ulertu ostean guk geuk esplikatzeko gain izan behar gara, gure hitzak erabiliz .Edozein momentu, leku eta pertsonekin ikasi dezakezu. Gauzak egiten ikasten ditugu, hasieran akatsak egitea normala da baino gizakiok akatsetatik ere ikasten dugu, bestalde gure burua hausnartzea ere beharrezkoa da. Jarrera progresista duen hezkuntza bat izatea lortu behar dugu. Hezkuntzaren helburua nagusienetako bat gizartea hobetzea da, hori lortzeko irakasleak kritikoak izan behar dira. Horrez gain, irakasleak etengabe formatzen egon behar dira, lanarekiko konpromezua hartuz. 

Haurren autonomiaren inguruan ere aritu ginen. Autonomia bultzatzeko haurrei denbora eman behar zaiela argi dago, askotan autonomia garantzerako orduan mugatu egiten diegu; adibidez, haurrak janzterako orduan askotan beraiei utzi beharrean, denbora faltagatik helduek janzten diegu. Bestalde, autonomia bultzatzeko jarduerak garapen egoerara egokituak izatea beharrezkoa da, horrekin batera erabiltzen dituzten altzairuak ere egokituak egotea lagungarria izango litzateke, komunak batik bat.

Gaur egun, zorionez, klaseetan parte hartzea gero eta gehiago sustatzen da; ikasleek aktiboki jokatzen dute, gelaren muina izatera igarotzen dira, eta aldi berean haurrei pentsamendu kritiko bat eratzen zaie. Ikasleen arteko interakzio oso aberasgarria da bai ikasleentzat bai irakasleentzat. Hala ere, nire aburuz, batez ere nire eta aurreko belaunaldikoei asko kostatzen zaigu ikasle aktibo moduan jokatzea, urteak eta urteak pasa ditugu hartzaile gisa eta horri buelta ematea zaila dela uste dut, kultura soziala nekez gainditzen baita.

Baino klaseetan parte hartzea nola bultzatu dezakegu? Ikasleak motibatzea beharrezkoa da, klasean landu nahi duguna ikasleen interesetatik abiatuta izan beharko luke, eta bestalde, bizitzan dauden gauzak ikastoletara eramatea oso garrantzitsua da. Horri gehituko nioke klasean hitz egiteko garaian segurtasuna transmititzea beharrezkoa dela.